ក្នុងនាមជានាយកប្រតិបត្តិ និងជាដៃគូរបស់ VSD, ខ្ញុំមានមោទនភាពក្នុងការដឹកនាំក្រុមហ៊ុន ដោយផ្អែកលើតម្លៃស្នូលដែលបានបង្កប់នៅក្នុងឈ្មោះរបស់យើង៖ Virtue, Stewardship, and Duty។គោលការណ៍ទាំងនេះបង្ហាញពីការប្តេជ្ញាចិត្តរបស់យើងក្នុងការរក្សាសុចរិតភាព លើកកម្ពស់វិជ្ជាជីវៈ និងផ្តល់សេវាប្រកបដោយការទទួលខុសត្រូវចំពោះអតិថិជន និងភាគីពាក់ព័ន្ធ។

ដោយមានបទពិសោធន៍លើសពី 14 ឆ្នាំនៅក្រុមហ៊ុនសវនកម្មអន្តរជាតិ ខ្ញុំទទួលបានចំណេះដឹង និងបទពិសោធន៍ជាក់ស្តែងយ៉ាងទូលំទូលាយក្នុងការធ្វើសវនកម្មលើប្រភេទក្រុមហ៊ុនជាច្រើន និងមានការយល់ដឹងយ៉ាងជ្រាលជ្រៅអំពីអនុវត្តតាមស្តង់ដារអន្តរជាតិ និងបរិបទអាជីវកម្មនៅកម្ពុជា។ ខ្ញុំជា សមាជិក ACCA។​​ ព្រមជាមួយគ្នានេះ ខ្ញុំក៏ជា សវនករដែលមានអាជ្ញាប័ណ្ណទទួលស្គាល់ដោយនិយ័តករគណនេយ្យ និងសវនកម្ម ACAR​។​​ ព្រមជាមួយគ្នានេះ ខ្ញុំក៏ជា ភ្នាក់ងារពន្ធដារដែលបានមានអាជ្ញាប័ណ្ណទទួលស្គាល់ដោយ អគ្គនាយកដ្ឋានពន្ធដារ, និងជាសមាជិកនៃ KICPAAដែលបង្ហាញពីការប្តេជ្ញាចិត្តយ៉ាងមុតមាំរបស់ខ្ញុំ ក្នុងការគោរព និងអនុវត្តតាមក្រមសីលធម៌វិជ្ជាជីវៈបានយ៉ាងខ្ជាប់ខ្ជួនបំផុត។

នៅ VSD យើងប្តេជ្ញាផ្តល់តម្លៃ លើសពីការអនុលោមតាមបទប្បញ្ញត្តិ ដោយគាំទ្រអតិថិជនក្នុងការពង្រឹងភាពច្បាស់លាស់ផ្នែកហិរញ្ញវត្ថុ ការគ្រប់គ្រង និងការជឿជាក់ក្នុងការសម្រេចចិត្ត។ តាមរយៈជំនាញបច្ចេកទេស ការយកចិត្តទុកដាក់ដោយផ្ទាល់ពីដៃគូ និងការប្តេជ្ញាចិត្តលើគុណភាព យើងខិតខំផ្តល់សេវាវិជ្ជាជីវៈដែលអាចទុកចិត្តបាន ដើម្បីគាំទ្រការរីកចម្រើនប្រកបដោយនិរន្តរភាពរបស់អតិថិជន។

យើងខ្ញុំសូមថ្លែងអំណរគុណចំពោះការផ្ដល់ទំនុកចិត្តលើ VSD ក្នុងនាមជាអ្នកជំនាញវិជ្ជាជីវៈផ្នែកគណនេយ្យ សវនកម្ម និងពន្ធដារ នៅកម្ពុជា